|
أول مشاركـه <->آخر زمـن !
السلام عليكم ورحمة الله وبركاته
يشرفني أن أكون أحد أعضاء المرقاب ، وأرجو أن أكون عند حسن ظن الجميع 
واعتذر عن التاخير ،،،،
وهذه بطاقة تعارف ، عسى أن تجد لها قبول لدى ذوايقكم الراقيه .
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياشيب عيني من زمان الغرابيل=وقتٍ به الطيب تردّى نصيبه
وقتٍ يهين الرجل لو كان حلحليل=نزّل مقام اللي منوّل ياطيبه
صار الردي في هالزمن كنّه سهيل=وقولة نعم للاّش ماهي غريبه
راحوا هل الفزعات زبن المداخيل=اللي لهم وقفه وقيمه وهيبه
عن فعلهم يحكون جيلٍ بعد جيل=وكل النشاما فعلهم تقتدي به
وجانا زمانٍ فيه كثروا هل القيل=اللي يودي علم واللي يجيبه
يحرم عليهم ماتساق الفناجيل=يا أهل الكرم وأهل السلوم العريبه
أهل المصالح ماوراهم محاصيل=ولايعرفون المخطيه والمصيبه[/poem]
------ وسلامتكـــــــم
أخوكم / حامد بن صالح العتيبي
ياذيب انا ما ارضى علي الإهانه=ولاعاش من طوّل لسانه عليه
أنا بدويٍ ثابتٍ في مكانه=ما أخطيت سلم جدودي أهل الحميه
لايحسبون إني ما أعرف اللعانه=بالعكس أنا ضد العلوم الرديه
والطيب أنا متجوّدٍ في عنانه=والله ما أفكه دامت الروح حيه
آخر تعديل عبدربه يوم
26-03-2008 في 02:50 PM.
|