طاحت الشمس .. من صدر السما
وارتوى الليل من سطوة جروحي
وماتت ضلوعي ظما...!
وين رحتي ..؟
يا ابسامات السنين اللي بقت
ليه رحتي ..؟
عن عيوني .. وبعدك عيوني شقت ..
لو تشكّل من ملامح وجهك الطاهر سحاب
كان ما مات قلبي من جفافه
ولااذبحه طرد السراب...!
كنتي أرضي
والحين...
أصبحت في ارضي غريب
لا رفيق ولا حبيب
ايه انا ذاك الغريب
اللي فقد كل شي .. إلا المشاعر
وما كسب في غيبتك غير ( شاعر )
يملي الدنيا قصايد حب واشواق وحنين
ويرفض يكون متقيّد بحاجه
لو فقد كل حاجه ..!
مايهمّه
بعدك انتي .. ما يهمّه
لو خسر عمره
وضاعت خطوته بين الدروب
لو خسر حلمه
وطيّره ريح الهبوب..
انقذي شاعرك من جرح الفراق وقسوته ..
لاتخليني وحيد
لاتخليني وحيد .؟..
|