يافلان يكفيك قيـل وقـال
كنّك وصي(ن) على النمـه
هرج القفا صار لك مـوال
لالك ضميـر(ن) ولا ذمـه
ان جاك احد زانت الاحوال
وان راح رديتهـا يـمـه
تضحك على نفسك وتختال
وتطير فـي عجـة الهمـه
وليا نصحنـاك زدت هبـال
وان جبتها جبتهـا مطمـه
تهتم في كل حـال وحـال
والنـاس ماهيـب مهتمـه
غلّك تبلور وصار اغـلال
وكبّل طموحك عـن القمـه
حطيت زيد انـذل الانـذال
وعبيد مدري وش اصل امه
وفلان عندك كثيـر جـدال
وفـلان تخطيـه وتخمـه
ترى الحكي والحسد قتـال
ليا انتثـر بالصـدر سمـه
اقضب لسانك على ماقـال
كـل(ن) عذاريبـه تضمـه
والغيبه تسـوّي الاهـوال
وتشتـت النـاس والامـه
(واوّل مواري ردى الرجّال
لاجاك يبغض بنـي عمـه)
الله الله الله الله
اول مواري ردى الرجال@لاجاك يبغض بني عمه
نادر مشعل
البيت اعلاه نابع عن حكمه وتجربه انا من موئيديها
صح الله لسانك مدد يانادر
سلامي لك..
|