منتديات المرقاب الأدبية - عرض مشاركة واحدة

28-03-2008, 11:31 PM

أسقيتني .. من غلاك وفاضـت عـدودي
وارويت غصن القصيد وفاحـت أزهـاره
ياللي عليك ارتمـى وجـدي ومجهـودي
الهبت نبضي .. وقسمتـه علـى اوتـاره
لا حل طاريك حولي..! يحتـرق عـودي
واطبخ على شوقـي اللـي قايـده نـاره
ويفوح منها .. شذا كـادي .. وكمبـودي
قصده.. يعطـر هـواك ويلفـت انظـاره
وآآجود لأهل الهوى من كـل ماجـودي
واقلب موازين قلبي ..! واكشف اسـراره
حبك محى .. مابقى مـن دارس حـدودي
حتـى تخطيتهـا .. مـن طيـب مقـداره
يكفينـي إنـي معـك متغيّـر ٍ مــودي
علـى هـواك آتقلّـب .. تـاره وتـاره
طلّتك .. من غيرحاجـه تعتبـر كـودي
منها قصيدي .. يعلم وش هـي اخبـاره
لمعت في الذات .. برق وحنّـة رعـودي
والتم شـوق السحـاب وهلّـت امطـاره
واسقيتني منه .. حتى فاضـت عـدودي
وارويت .. غصن الغرام .. وفاحت ازهاره

ياسلام يابو عيضه !!

صدقني كثافة الشعر في هالنص عاليه

لله درك لله درك

ابداع / صح لسااانك !!