السلام عليكم ورحمة الله وبركاته

للتواصل قصيده بمناسبة سفر الشيخ / سعود الدهينه الى ألمانيا للعلاج من اصابه في الركبه
أسأل الله له الشفاء والمعافاه هو وسائر المسلمين

[poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا الجيرمن يا سلالة هتلر النازي = يا اشرس قبايل اوروبا الاتحاديه
ماضيكم المعجزه والحاضر اعجازي = ووجيهكم ميته وافعالكم حيه
واكبر دليلٍ على سمو الانجازي = فخر المواتر وسيدة الرفاهيه
المورسيدس ذخيرة كل متوازي = نعمين في الروحه ونعمين في الجيه
امْبروزه لو ماهي وسط بروازي = مْن الدعاميه تحفه للدعاميه
فوقية الصنع لو للارض تنحازي = وأضف لْفوقية المورسيدس فوقيه
صلابة المارك والعمله ما تنهازي = وعلو كعب اقتصاد وديموقراطيه
خلاصة القول والزبده والإيجازي = يا شعب برلين من شعب السعوديه
بدياركم حلْ اخو نايف واخو غازي = واخو محمد واخو كل النداويه
عضيد فرحان شبه الليث والبازي = يا حي فرحان وابو فهد يا حيه
ممتاز في الدين وبدنياه ممتازي = شيخ الشمل والشكاله والشهاميه
من كثر ما يثني الركبه لْمعتازي = اصابها الالتهاب ونجّض الكيه
ومدام موروثنا من جدنا الرازي = عنّا ورثتوه يا عيال الحراميه
اجل توصّوا بشبه الليث والبازي = سعود الدهينه ونعم وحي طاريّه[/poem]