قصيّدة!
[poem=font="Traditional Arabic,6,gray,bold,normal" bkcolor="transparent" bkimage="" border="none,4,gray" type=2 line=1 align=left use=ex num="0,black"]
في زحمة همومي وحزني وشكواي..=من وقتـي اللـي بالعنـا مبتلينـي!
جيتي بصوتٍ فيه من بحـة النـاي=حزين ، لكنّـه يـداوي الحزينـي!
جيتي بلا موعد ، على نفس مبـداي=" ما للمحب إلا البكـا والونينـي "!!
حيّيت حزنك وأبعدت بي تحايـاي=لين عرقت يمنـاك فـي راحتينـي!
قلت إسمعيني ، وإفهمي سر نجـواي=(وإن قلت أحبك إسكتي وإحضنيني)!
أقول ويني لين وصلت بي خطاي..=عندك ، ولحظتهـا تيّقنـت وينـي!
يا غايتي وإبدايتـي وأجمـل منـاي=يا أناي ياللي تحتفـل بـك سنينـي!
يا نبض قلبي يـا إبتهاجـة محيّـاي=يا بعد بيت بما حـوى يحتوينـي!!
يا برد صيفي يادفـا شـدة شتـاي=يا مبعدة بي عـن عيـونٍ تبينـي!
يا باكر اللي كنت أحسْبه مهو جاي=ليتك من أيـام الطفولـه بإيدينـي..
ما كان حزني حدّني أعلـن بكـاي=بيـن المـلا وأفـرّح العاذليـنـي!
لكن عسى مافات لي مـن فدايـاي=حتى لو إنّه جاب مـا فـي كنينـي!
ما دمتي فـ ( قلبـي ) تعيشيـن ويـاي=اللي حصل قبلك ما عـاد يعنينـي!
هذا بعض نبضي وشعري ونجـواي=قلته لو إنه واضـحٍ وسـط عينـي!
أبيـك لا منـي توسّـدت مـثـواي=وبكوا عليّ من الجـزع والدينـي!!
تقرينـه لـ ( قلبـك ) وباقـي بقايـاي..=عندك ، وبالذكر العطر تذكرينـي!! [/poem]
|