فالح المصعوك

اللـي منـول تشوقنـي طبايعـهـا
اليـوم عيّـت طبايعهـا تشوقنـي
منوّل اسج وانسى ضيقتـي معهـا
واليوم حتـى مشاهدهـا يضايقنـي
منوّل لياجيتها تفتـح لـي اذرعهـا
وتضمني لين باحلى الحب تغرقنـي
ولاخذت عنها شهر من شغل قاطعها
تنشّـدت ليـن بالنشـده توثقـنـي
وارسل لها من غلاها اشواق مبدعها
وتحطهـا فالعيـون ولاتوهقـنـي
وانا عن الغيـر بالتقديـر رافعهـا
عشقتها قبـل تعرفنـي وتعشقنـي
كملي وانا اقرى كتابتهـا واتابعهـا
ومن وين مارحت صورتها ترافقني
واليوم باقفي ولو مانـي مودعهـا
في خاطري حاجةٍ عيّـت تفارقنـي
شرهه على آخر طبايعها وطابعهـا
اللي عكس طابعي وازرى يوافقني
ماعاد يحتـاج تقنعنـي ولا اقنعهـا
باصد عنها ورب البيـت يرزقنـي
ماهيب دم ولحم واعرف مواجعهـا
ولاابغى مشاريه روس القوم تلحقني
لو انها انسانه اعرف كيف ابا انفعها
ويمكن على نفعها ماحـدٍ بسابقنـي
لكـن ميانـه وضيّعهـا مضيّعهـا
وميانة الهرج تحرجنـي وتقلقنـي

سعوود الدهيمي .. قصيدة تنعش الذااائقه والله

لله درك ياسعووود .. اعجاابي الكبير واحترامي لفكرك الراقي

صح والله لسااااانك

:

(استغفر الله العظيم واتوب اليه)

:


rayath.al_ezz@hotmail.com