خالد الحصيّن

عندي سؤال قبل كل شي يابو راشد

الحين الصوره هذي عفويه .. والا قاعد لها قعده


ما علينا





اول شي :-

ابو وليد / ناصر تراحيب .. والله انك وافي في هذي وغيرها وشهادتي انا بالذات فيك مجروحه
بحكم العلاقه الخاصه والزماله المبطيه
ولا اقدر اقول .. الا بيض الله وجهك على هذه الاضاءات المميزه لـ اخوانك المستحقين لمثل هذا الانصاف !!



ناصر بن راشد الهاجري




شخصيته :-


يعتبر من النوادر في هذا الزمن اللي تلقاه يشيل بين ضلوعه قلبٍ ابيض من الشاش ، يجبرك على احترامه .. باسلوبه ومزحه وجده ومرجلته ودماثة اخلاقه و و الخ ، وانا يا واحد غير شهادتي فيه يتقاطر دمها منذو مبطي !! واعتبره من المخلصين والمناضلين في سبيل الارتقاء بـ هذا الصرح من ايام كانت صفحة المرقاب الرئيسيه ( صورة السديري وصورة حبيب ) ورغم التمويل المادي شبه المعدوم .. استعاض بـ التمويل المعنوي واستمر في بناء هذا الصرح حتى وصل في فتره من الفترات حسب المؤشرات العالميه مرتبة ( 13000 ) على مستوى المواقع العالميه !! حقيقه الشرح يطول وله ابعاد كثيره .. لذلك وباختصار / سيبقى ابو راشد في قلوبنا ما بقي هذا الصرح شامخ بفضل الله عز وجل ثم بفضله !




شاعريته :-



لن اطيل الكلام .. انسخ يوزر ( ناصر الهاجري ) وابحث في جميع الاقسام الشعريه ، وستجد ما يغنيك عن كلامي !!




تواجده فالمرقاب :-



رغم قلة ردوده ومشاركاته الا انه كـ الحصن الحصين .. ومتواجد بشكل شبه يومي لا لـ نفسه ، ولكن للعمل المتواصل في خدمة هذا الصرح والارتقاء به .. والله على ما اقول شهيد / واذكر سالفه طريفه له .. قبل سنتين تقريبا كنت اشبك انا وهو وسداح في كافيه واحد .. وكان يفتر على كل الكباين ويخلي صفحة المرقاب هي الصفحه الرئيسيه لكل كمبيوتر !! واترك التعليق للجميع على هذا العمل




رسالتي له :-




والله يابو راشد ان الكلام يقصر دونك !!
واتمنى مثل غيري انك تاخذ اجازه من العمل الفني لمدة سنه .. وتدخل المرقاب كـ عضو وتشاركنا في كل موضوع ( قصيد .. طاروق .. ردوود .. و و و الخ )





وارجع واقول / بيض الله وجهك يابو وليد !!

khalid@mergab.com