يا الربع انا حلمت البارح حلمٍ الله يكفيني شره...

حلمت اليا فيصل السواط تطايرت منه اوراق كانت في مخابيه..

المهم يوم طارت قال يا الله تردها ... المهم ان الاوراق

طارت شمال... و راح يعدي وراها و ينادي تكفى يا محمد

تكفى يا خالد الروقي تكفى يا مشعان... و كلهم حاولوا

يركضون ورى الاوراق لكن تحرولوا.. و كلٍ جاب له عذر الا

خالد الروقي .. قام يركض يمين و يسار و فيصل يقول يا خالد

رح شمال الاوراق راحت شمال.. قال اصبر انا بس ابي امر على

بقالةٍ هنيا فيها رجالٍ يعرف يقرا.. نبيه يقرا عليها اربها

تعود لا تروح شمال... المهم ان خالد مجتهد في نفعة فيصل

بس فيصل كن الوضع ماهوب معجبه من خالد...

الأكيد ان الأوراق ذكروها مقبلةٍ على النعيريه... مع طريق

ابو حدريه... الا فيصل يتصل بي .. يتوصف عن النعيريه لانه

يخبرني دايم اروح لحفر الباطن و امر النعيريه و يسألني

النعيريه وش بعدها و تعرف احد فيها يرد الهوا يمنا لعل

الاوراق ترجع لنا.. قلت الاوراق وشهي .. قال اوراقٍ جايبها

من شاعر المليون العام.. بس عيا يعملني وشهي الاوراق..


المهم ابيكم تفسرون لي الحلم.. تراه من البارح و هو قاضٍ مضجعي
على قولة مشعان البراق...



تحيات كبيرات