[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
عادي تكون إنسان تافه ومشهور=وتعيش في الدنيا بليا مبادي
أهم حاجة تتقن الكذب والزور=حتى تكون إنسان ناجح , قيادي
يُسند إليك الدور ما تتقن الدور!=تصير في عين البشر شخص عادي
رويبضة عصر الفتن طبّوا السور=وأجتاحوا قصور الزمان الرمادي
أصبح لهم منبر وقاعة وجمهور=عقب الملاهي وإرتياد النوادي
ماجور يا عصر الرجالات ماجور=منك السموحه لا تعثّر جوادي
لا صفّوا أشباه الرياجيل طابور=رتبهم وأعلن لهم إبتعادي
عقب الظلام وشح الأيام والبور=وعقب البياض اللي غشاه السوادي
أفضل أحيا وأندفن شخص مغمور=راضي عن أخلاقي وشربي وزادي
ولا اكون متعجرف وسطحي ومغرور=أحصد تعب غيري وأنا اقول: عادي
واللي يخلي راجح العقل مقهور=قرب الغنايم من قصار الايادي
يا قلبي اضحك وابتسم وأنت مسرور= الا حداك من الصواديف حادي
رغم إختلاف الفكر والراي والشور=ياشعر تبقى شيء غير إعتيادي
الا قريت اسمي على جانب الطور=وآنست لك نارٍ حطبها فؤادي
يا شعر لا تفزع من النار والنور=ولا تخاف الأسر اللاإرادي
الأسر ماهو أنك تكون مأسور=الأسر أسر الفكر حسب إعتقادي
يا فكرتي لو مرت سنين وعصور=أنتي مدادي والقصيد إمتدادي
حرية الفكرة مثل وعد بلفور=كلمة رجل واثق وعنده مبادي
وحرية العصفور لو كان عصفور=تسوى هدد حرٍ عريض الثنادي


ع.ع.د[/poem]

[align=center]ع.ع.د[/align]