ويتجدد العهد مع قلوبِكم أيه الأحبة
بجديد متواضع آمل أن يروق لكم 00


[poem=font="Simplified Arabic,6,crimson,normal,normal" bkcolor="transparent" bkimage="backgrounds/49.gif" border="double,6,crimson" type=2 line=0 align=center use=ex num="0,black"]
حظ قلبي في غرامك يا الوجود=انتشت روحي بحبك وارتوت

ترتسم دنياي بالوان الورود=طلتك نورٍ به أيامي ضوت

في غرامك تنهدم كل السدود=والليالي لك مسافات انطوت

ليت ربي ماخلق بعد وحدود=ليت دارك عند داري استوت

لاشعل الأشواق نيران ووقود=وترتوي نفس ٍ بحبك انشوت

تسهر الأيام وتعاف الرقود=وبـ بحر امواج ليلك اكتوت

في هوى النجلا لاترجي صمود=الوفا والحب تراها لك نوت

في سما غيرك مشاعرها تنود=والمحبة عن هوى غيرك طوت

غيرتي جيشٍ وأهدابي جنود=نظرة عيوني لغيرك مالتوت

القوافي والقصايد لي شهود=والغرام اللي به عروقي روت

ارمي اشواقي بقلبك ياودود=شوفها يالحب في روحك هوت

حظ قلبي في غرامك يا الوجود=انتشت روحي بحبك وارتوت[/poem]