ماعـاد يغرينـي .. بريـق التمنـي
لني ! بديت اخسر جميـع امنياتـي
ولني ! تعبت من المسافـه ولنـي !
بنيت لي ( عالم لحالـه ) لـذاتـي
ياطامـح ٍ فـي كلمـة البيـن منـي
وش لذة الكلمه .. لاجت من شفاتي
كانك بتلقى انسـان يغنيـك عنـي !
محال ؟ تلقى مـن يحبـك سواتـي
هقيت ؟؟ لكن في الامل خاب ظنـي
وصبرت !! ولا فاد صبري سكاتـي
أعيش بأحلامي ,, ولاجيـت أغنـي
أبعث مع ( فجر الخلود ) أغنياتـي
صغير سن ,, وكبٌر الوقـت سنـي
ورهيف حس ولا شفعت لي صفاتي
مريت .. في (( عدة مراحل )) لكني
كفرت بالواقع ,, ولاقمـت احاتـي
رضيت بالمكتوب .. وأيقنـت بأنـي
امر بأسـوأ مرحلـه فـي حياتـي
lonely-_1@hotmail.com