[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

ياخاتم الانبياء وسيد المرسلين =صلاة ربي عليك الدايمه والسلام

انت اشرف انسان واطهر نفس فالعالمين= وانت الرسول المسامح والرسول الامام

منزال وحي السماء والمصطفى والامين = الطاهر الصادق المصدوق نور الظلام

وانت الرسول المعلم للعباد اجمعين = وانت افضل انسان خلى للاوادم نظام

وانت الرسول النبي وقدوة المسلمين = ارسلك ربك نذير وقدوةِ للانام

يا احب للمومن من الروح والوالدين = شف كم سجد في حرم مسجدك في كل عام

حبك سكن في قلوب اتباعك المومنين = حتى دخل في ضمايرهم حدود الهيام

هذا لانك بعثت النور في كل عين = وهذا لانك رسمت الخط للاحترام

وهذا لانك نذيرِ تنذر الغافلين = وهذا لانك بشير الساجدين الصيام

علمتنا يارسول الله باب اليقين = علمتنا يارسول الله سل الحسام

علمتنا يارسول الله باهل اليمين = علمتنا بالوعد والصبر واللالتزام

علمتنا كيف كنا في قرارِ مكين = علمتنا يوم نبعث كيف تحيى العظام

علمتنا ياعظم العالم بمن نستعين = لو الاوادم على سنتك ضاع الخصام

بلغت ان العواقب تتبع المتقين = وان الحياه وملذتها متاع وحطام

كبرتنا بالله اكبر فأعين المعتدين = وصغرتنا بالبكاء لله ليلة قيام

ارسلت فينا وكنا قوم مستضعفين = شرك وجهل وانحلال وتفرقه وانقسام

قومَ عضمائنا لصنامهم ساجدين = بالبيت الاول ومابين الحجر والمقام

نعيش لامرين اما مال والا بنين = امرين من لا ملكها عاش ماله مقام

حتى سمعت اية اقرأ وانت فالاربعين = كلام رب السماء ماهو مجرد كلام

نهاية الشرك والاديان وانزال دين = للجن والانس والاسلام دين وسلام

نبي مرسل من الرحمن رحمه ولين = لكآفة الناس والقران للخلق عام

اسرابك الله ليلاً لأول القبلتين = وللسماوات تسمو والاوادم نيام

هديك لكل العباد اهدى من الفرقدين = على مسار الصراط المستقيم استقام

لأعداء الأهك واعدائك غليظ متين = وعلى صحابتك عطفك مثل غيث الغمام

سيفِ مسلط على ظلم العدو المبين = من صدق نورك رحيل الظلم والعدل اقام

اقام عدلك يابوالقاسم مدار السنين = واقام هديك ونور الحق للناس دام

تبقى صفاتك مثال اصحابك الصالحين = واسست منهج لعز التابعين الكرام

ياصفوة الخلق يالمختار اغر الجبين = ياللي محبتك فينا قبل سن الفطام

ياسيد الاولين وسيد الاخرين = ودعتنا يارسول الله والدين تام

صلاة ربي على طاريك في كل حين = يامن شمل عدلك ورحمة حتى الحمام[/poem]