يا طموح الحـروف ويامناهـا
يا بذخ كل بوح ويـا رصيـده
لا تنشّد هجوسـي وش بلاهـا
ابطت تْجيب لرضـاك الجديـده
لانها كـل مـا مـدّت يداهـا
للفضـاآت تلقاهـا زهـيـده
كل نجمه بدت لي في سماهـا
لـو تقـدّم لعينـك مستفيـده
اعذب الشعر كذبه من حلاهـا
تجرح الصدر وتـروّح عنيـده
واغلب الناس شاعر ويتباهـا
لا قرأ له قديـم وجـا يعيـده
واصدق احساس نبضه محتواها
انت واللـي تهقـواه وتريـده
فكـرةٍ توّهتنـي فـي مداهـا
غار منها الوجود وهي وحيـده
لو جبرها الشعور ولو نهاهـا
عند ظنّك ولا عاشـت بعيـده
وانت فكرة قصيده من غلاهـا
ما تجريت اضعها في قصيـده
شاعرك ما يهمه مـن قراهـا
دامها معك تسبح فـي وريـده
كلما احتجتهـا جـب مبتداهـا
يا عسى ايام شعري بك مديده
أرسل الكلمتين وخـذ صداهـا
قبل تنشد عن القـاف وبريـده
ابو راكان
رمز وعلم واخ غالي
وقصيده من الصف الاول وشاعرها كذلك
وصح لسانك وهذا حجز ولي عوده تليق بحجمك
|