السلام عليكم ورحمة الله وبركاته

مشاركه تشرح نفسها

وهي هنا بأمر الاخوين فيصل السواط وعفاس بن حرباش ,,,,,, واخرين


[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياوليّ العـرش هديـك للـدّروب المستقيمـه=عقب حوّلنـا مـن القِمـه وطحنـا فالمغـاره
ماتوّجهنـا لغـيـرك فالجـديـده والقديـمـه=ديدن المسلم ولطفـك يمنحـه كامـل وقـاره
عِزّني لا قلت كلمة حـق لـو انهـا مضيمـه=ولعت فالصدر نـار وسبـة النّـار الشـراره
لا متى واجسامنا ما تحـوي عقـولٍ سليمـه=لاسِلم من في نهار الجـدّ مـا ياخـذ قـراره
والقرار مـع ولاة الامـر والبلـوى عظيمـه=والمواطـن مستعـد وباقـيٍ رهـن الاشـاره
لنعبو مـن لا يحـقّ الحـقّ ويجـبّ الظّليمـه=لو تكون اعظم من الاوطـان قـوّه واستـداره
يوم نسمع نشرة الاخبار مـن حـول الوليمـه=ماتعكّـر صفونـا كنّـا خلقنـا مـن حجـاره
ينتهك جنـب الرسـول ولا تحركنـا عزيمـه=صامتيـن وجامديـن ولا جـواب ولاعـبـاره
كيف قلنا انّاحمـاة الديـن لـو فكّـر غريمـه=والغريم يدوس دين الحق بارجـول الحضـاره
ليه نسكت والبهيم ابن البهيـم ابـن البهيمـه=لاويٍ حبلـه بغاربنـا ويسقيـنـا احتـقـاره
قاطع الجبنه ,,, ومدري ويش ,, وحلول سقيمه=لا ترقيـنـا السـنـام ولاتشبعـنـا نـعـاره
لونقاطع مانقاطع ما انقطـع سلـك الهزيمـه=لين تسلك في دمانـا مـن فعايلهـم حـراره
حلّها بالنّار مثل بمثـل تعثـى فـي هشيمـه=لارحم جد الضّعيف ولا رحـم عـمّ الصغـاره
انصفوا محبوبنا والحـال فـي دبـرة عليمـه=خلوا المسلم يقاسم تمرتـه مـع بيـت جـاره
والله ان الصمـت للخنزيـر واحفـاده جريمـه=لونجمّع منك يا شبه الذهـب طـول العمـاره
ياملكنـا ماهـي بلحيـة شعـاراتٍ عقيـمـه=افتحوا بـاب الجهـاد وقفّلـوا بـاب السفـاره
وانت ابو متعب ومنك الامـر وعيالـك تقيمـه=سجلّ اسمانا الصحيحه وامح الاسما المستعاره
ننتصر للدين والا الرّجل يرجـع مـع حريمـه=موتنا بالعزّ اخير مـن الحيـاه مـع المـراره [/poem]