|
ياربـــــــنــــــا
[align=center]اعتذر عن الغياب الخارج عن ارادتي واضع هذه المتواضعه اتمنى ان تنال القليل من رضاكم[/align]
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياربنا ياللي عليك التدابير=الطف بنا واحسن لنا خاتمتنا
واقسم لنا من خشيتك قسمةٍ خير=تشفع لنا قدامك فآخرتنا
يوم الحشر لامن غدينا طوابير=واجباهنا قامت تصب عرقتنا
وعلى السراط الناس ورد ومصادير=واقرابنا تنكروا معرفتنا
ولاعاد ينفع فالذنوب المعاذير=ولاعاد به فرصه نزود احسنتنا
عشنا بدنيانا على الشر والخير=نركض ورا الدنيا وهي مشقيتنا
حب الدراهم والبني الغنادير=ياما وياما غيرهن مشغلتنا
ولا اعتبرنا واتعظنا من الغير=ياوين ناسٍ قبلنا سابقتنا
يارب اجرنا مالنا غيرك مجير=ولا تؤاخذنا بظلم افئدتنا
وانك تجنبنا الردا والمحاذير=ونلوذ بك كان المصيبه دهتنا
وانك تقنعنا بحكم المقادير=والصبر عند المعظله لا بلتنا
وجمّل لحانا فالوجيه المسافير=لامن خطلان الايادي نصتنا
حنا عبادك مالنا غيرك مجير=اغفر لنا واحسن لنا خاتمتنا[/poem]
[align=center]وسلامتكم[/align]
لا لا تثيقل ياهواي ومنايه=الثقل في سلم الهوى ياهوى عيب
ان كانها بعناد تتعب معايه=وان كانها بالطيب..عاداتي الطيب
frj66@hotmail.com
|