منتديات المرقاب الأدبية - عرض مشاركة واحدة

20-04-2008, 03:47 PM

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

إي والله أن معاد عندي غير ترديد اللحون "=" والضيقه اللي رافقتني ماعرفت أسبابها

مثل الغريب اللي كذا عايش مع الدنيا مغبون "=" لاحيلة ٍ يحتالها ولا حاجة ٍ يسعابها

ياقلب قوم أفرح وخلك مثل ناس ٍ يفرحون "=" وش له تشيل أهمومي اللي مافتحت أبوابها

ياليت مالي شي فالدنيا ..ولاعندي عيون "=" عشان ماشوف المواجع وأندفن فترابها

ياهمي الماخوذ... ساعدني على صف الركون "=" النار من شبابها والخيل من ركابها

بس الأكيد أن الضنون اللي تخالفها الضنون "=" تتعب شعور اللي معاها فالزمان وخابها

والسلعه اللي تدخل الأسواق ماتلقى زبون "=" أشره على من سامها وأشره على جلابها

والبارحه مثل السنه ..! عرضّ علي مثل الجنون "=" أزوال ناس ٍ ماعرفت أشكالها وأنسابها

تدخل مع البيبان وأداحم كبيرين المتون "=" مثل الجمال اللي على البيدا تعوج أرقابها

وأنا على شان الكلام الذرب وألسان اللسون "=" مانيب أقدمّ حاجة ٍ إالا وأحسب أحسابها

كل شي يهون ألا مقام الطيب عندي مايهون "=" وماني بحب اللي على الضيعه تجر أثيابها

ياصاحبي لاعاد تطعني وأنا كلي طعون "=" ولاتسبق الأحداث لين أنك تشوف أكتابها

لو كل شخص ٍ قطلـهّ كلمـه على قلبي يمون "=" ماكان ميزت الرجال اللي تعز أصحابها

ياعونة الله لو مالي فالحكي مرسى وعون "=" والسالفه قفت وأنا يامابها وألا بها

صحيح ماني ملك نفسي وأكثر العالم تصون "=" أصحابها وأحبابها وأنسابها وأشنابها

لكن يافكري تقدم وأرسم الفكره بلون "=" لون الطبيعه وأترك المتصنعه لا حبابها

الشعّر مثل الدين والشاعر مكلف فالديون "=" وأنا تراني قد شرهات الحدث وأعتابها

ماكل حاجه ترضي الجمهور واللي يسمعون "=" وقصايدي قصة غرام ٍ ماكشفت أتعابها

لبيه ياللي كل ماغنت معي فالتيلفون "=" في ساعة ٍ ياجعله أبرك يوم ربي جابها

جتني على مضمار قلبي وأسمها مثل المزون "=" ومافيه عرق ٍ من عروق القلب ماغنابها

أم الدلع وأم الحلام وأم الغنج وأم الفنون "=" مثل المهار اللي تدق اخضابها بخضابها

في عينها حب وغلا وأحساس وأشواق وشجون "=" أكتب قصيدي وأنشره وأكسب رضات أعجابها

هذي هي اللي تستحق الشعر وأبداع اللحون "=" ياجعلها تبطي معي والحظ ماقفابها[/poem]

ياسلام ياسلام يا ابو مبارك ابدااع ابداااع

صح الله لسانك على هذا الابداع الغير مستغرب

بصراحه كل ما اقر لك قصيده ياعايض القاها احسن من اللي قبله جعلك في زود

ملاحظه بسيطه

سقط منك اثناء الكتابه كلمه في البيت الاخير

هذي هي اللي تستحق.

تحياتي لك ولأبداعك