سلام يارجاجيل ,,,,

فيه رجالٍ طلبته حاجه ووافق على شرط أن اجيب هالبويتات اللي
اعتبرها من قديم التفاتر !

وماضوعها تعداني وتعديته بس انه هو اللي كان عليه الاتفاق


ناصر المقصود هو الجهبذ/بن تراحيب ..
عاد نزولاً عند رغبته قلت احطها هنيا لحاجتين في نفسي
وحده افتك منه ومن شره ، والثانيه اباكم تنقدونها نقداً مبرّحاً
ولامانع من تلتلتها لأي مكان !





استلمووا :-




يامن يودي سلامي يارجال
ويعطيه بنت الأمير اخت الأمير

لاصار مالي بتوصيله مجال
تراه يمكن مسوٍّ فيّ خير

قدّام لاينتهي حتن الآجال
ويموت سر العرب في جوف بير

ثم تصبح الدلو تصفق كل جال
وألاّ شهرته يصير اللي يصير

لازم نقضّي مواربنا عجال
على ماقال الحكيم ابن الخبير

أباأرتجل والهدف يبغى ارتجال
واقدح بيوتٍ من أعماق الضمير

وأخلّي قلوب عذّالي وجال
ولا لهم لامنير ولامطير

والحرب من بيننا دائم سجال
مافيه هدنه ليا الأمر الأخير


..


انتهت ، ، ، ، ،

!


..

ياحيف يابعض العرب..ياحيف ./. أخطوا .. وأنا من فعلهم منصاب !
الصيف راح ودار حول الصيف ./. لكـن شـب النـار .. ياشبـّاب
يمكن سناها في الجبل لا شيف ./. يصبح لمن هو ينظره جذاب
من .. مار وألا جار وألا ضيف ./. والا من الأصحاب والأجناب
حتى يجـي نواف عند .. منيف ./. ويعوّد الغائب .. بعد ماغاب
ربعٍ لهم على النوايف .. نيف ./. تنقض حجج من يفتل الأشناب
كرم وعرف .. ولا تبا تعريف ./. والطيب طبعٍ لاهل الأطيـاب
وافين .. مافيهم ردي وضعيف./. تلقى الشباب أطيب من الشيّاب
وأنا أتسآءل .. كيف بالله كيف ./. نزّلهم تويتر من المرقاب ؟!
.....

قصة حياتي :
http://montada.mergab.com/showthread.php?t=28348