[poem=font="Simplified Arabic,6,black,normal,normal" bkcolor="transparent" bkimage="" border="none,8,black" type=2 line=0 align=center use=ex num="0,black"]
لاتشتكي للناس هم ومصايب= ماينفعونك لو محبين واقراب
شكواك وجهها لمذر الهبايب=الواحداللي من طلب منه ماخاب
ناجه بتال الليل جزل الوهايب=يكفيك لن كانك من الوقت منصاب
ولن جاك خيرٍ من منش السحايب= وان جاك شر اعرف ترى النفس الاسباب
لن كان طعت النفس شفت العجايب= اعكس هوى نفسك ويفتح لك الباب
وحافظ على دينك وحث الركايب= ولرضاه خلك يافتى الجود طلاب
قدام لاتوضع عليك النصايب= وكلٍ تخلى عنك ربعك والاحباب
وغديت بين امرين والكل هايب= وجميع ماسويت محفوظ بكتاب
اما يقدم في يمينك كسايب= وتقول من يقراء كتابي يالاصحاب
والاتشيلة في يسارك وخايب= ولاعاد تنفعك الندامة والاطلاب
بيومٍ عضيمٍ يجعل الطفل شايب= مابه مجالٍ للتفاخر بالانساب
نصيحةٍ لهل القلوب اللبايب= عضو عليها ياهل العرف بالناب[/poem]