يالعاشق اللي عشقت لويبسات الزمام لاتحسبـن الهـوى لعبـه تسلابهـا
تعال اخذ درس مجاني واخذلك وسام يكفيك من مشكله من قبـل تبلابهـا
العشق سم الكبود وكل مامنـه سـام لو كان اله بهجـتٍ حلـوه ويبدابهـا
يبدى بنظرة عجب ويهل حلو الكـلام وتطير بقعا علـى بقعـا ويسرابهـا
وتبنى حلوم الوهم من فوق حدالغمام ويطاف بحلومه القشـرى ويسعابهـا
لكن ماينتهي في لـم شمـل وتمـام تبقى رجومه منيعه صعـب يرقابهـا
والدرب ماهو بسمح ومعضلاته جسام اما اعثرك طنبهـا تعثـر بمنسابهـا
انصحك لاتقربه وتذوق سم السهـام اللي تفج النحور وتصعـب اطبابهـا
قدام لاتنسجن في سجن قصرالغـرام وتضيّع الهقوه اللـي فيـه تهقابهـا
لاتعتذر بالذكا وتضيع وسط الجهـام واحذر تقول اهل مكه تعرف شعابهـا
لاتعتذر بالذكا وتضيع وسط الجهـام واحذر تقول اهل مكه تعرف شعابهـا
لاتعتذر بالذكا وتضيع وسط الجهـام واحذر تقول اهل مكه تعرف شعابهـا
تراه لو دخلك مع باب بـرد وسـلام فنهايته محرقه مخرجك مـع بابهـا
هذي حقيقة ضحايا العشق فام الزمام اللـي تغدابهـا واللـي تعشابـهـا
وان كان مااوحيت علمي ماعليّه ملام شرحت واسهبت فالعلـه وفاسبابهـا
لكن عندي نصيحه ختم مسك الختـام وانته على مصلحة نفسك تقهوابهـا
اياك لاتنخدع في حب بنـت الحـرام اللي بكل الـدروب اتْسحْـب ثيابهـا
يا سلام علاااك يا نايف..
إبداع وإمتاع و جزالة صحيح..
ما أقول غير صح لسانك وبيّض الله وجهك...
تقبل تحياتي..
|