[frame="7 80"]الابيات الثلاثه الاولى للامير
عبدالعزيز بن سعود ال سعود (السامر)

عز الرياض وعز وادي حنيفه = وعز الاماره ولامور العظايم
عدل الحكم سلمان بالعدل ريفه = خمسين عامٍ كل ابوها غنايم
تبصر بعدله عين حي كفيفه = المجد له والطيب والعز دايم
نسل الشجاع اللي حكمها بسيفه = كم طاح من ضربة يمينه عمايم
سلمان عز اهل القلوب النظيفه = بالحق مايقبل ابد لوم لايم
يحكم بشرع الله ونيه عفيفه = دايم شبا سيفه خصيم الظلايم
فيه الجواهر بالمعاني وظيفه = اقولها من قلب ساجد وصايم
مثل النداوى فوق شعبه رفيفه = صقرٍ على اهل الجود بالمجد حايم
ياطيب مخلابه ويابعد نيفه = يجعل مزابير الثنادي قسايم
مثل الجبال الشامات المنيفه = اللي على نجد العذيه يلايم
منه الفرج لاهل الظروف المخيفه = بشته ذراهم من لهيب السمايم
نفس عفيفه والنوايا شريفه = شيخٍ بحب الطيب والمجد هايم
من راس ابوتركي صفاته منيفه = ينهج بمنهاج الوفاء والذمايم
الله عطانا لابوتركي خليفه = عليه من صقر العروبه عزايم
سلمان روحه يم شعبه وليفه = ابن الملوك اللي يدايهم كرايم
في سيدي سلمان تقوى حذيفه = رمز العداله كافرن بالظلايم
يالله عسى التوفيق دايم حليفه =ربيع شعب العاصمه والنسايم[/frame]

جعل من لامني في حب بيض الخدودي
...................ماتفارق عيونه من حياته شقاها
الهوى عارفينه من زمان الجدودي
.................واجمل العشق بنت طاغيه في حلاها