مشعل فالح الذيابي

السلام عليكم ورحمة الله وبركاته

مشاركتان متواضعتان الاولى في المرقاب المكان والثانية في قناة المرقاب

والعذر على القصور


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انا لا غزت قلبي جيوش الهموم احزاب = وصالت وجالت فالضلوع المغاليقي
وبغيت القصيد و قفلت دونه الابواب = وتزايد عناي وعفت جو المخاليقي
تركت البلد لاهله وعديت فالمرقاب = على راس رجم ٍ من طوال الشواهيقي
على زامي ٍ ما حام فوقه ياكود عقاب = وحر ٍ طليق ٍ ما هوته المسابيقي
ليا جيت فوقه زال همي وجرحي طاب = وتريح ضميري وانجلا عني الضيقي
وبدن لي بنات الفكر غيد ٍ بدون حجاب= تمايل وتلبس من جديد الطواريقي[/poem]
المشاركة الثانية

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا صار صدرك بالملل مكبوت = وتقفلت قدامك الابواب
وجه على الريسيفر الريموت = وابحث وتلقى شاشة المرقاب
تشوت عنك هموم صدرك شوت = وترتاح مهما كانت الاسباب
فيها فنون الشعر شرب وقوت = انهار فكر ومأدبة اداب
تراثنا بالصورة وبالصوت = اقطف من عذوقه مالذ وطاب
مرقاب ٍ اسمه بالذهب منحوت = عن هامة الامجاد ما قد غاب[/poem]