[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تذوبني شفاتك ياشفاتي = ورمش اعيونك ايدمر حياتي
ولشقر لانتثر سوى مصيبه = يزود خصرك الناحل حلاتي
ولا ياعين من طوى سبوقه = لمح جول الحباري مقفياتي
عديم اوصاف من ماكر نوادر= جرودي فالهدد طلعه ثباتي
تصوبني بسهم الموت حتى = توصلني معك حد المماتي
وخشمك سلة السيف المثنى = لاجيت اوصفه سيف الزناتي
ولك مبسم وفيه السحر كله = مع لدغ النحل سكر نباتي
وحبات البرد تلمع بثغرك =مثل برقٍ سرى في ليل عاتي
حوى حب البرد جمراً تلالا = منارت من بني عمه عصاتي
يقود الجيش زيزوم السرايا=على المخطي سيوفه مرهفاتي
ولا ياعنق ريمن مستحسه = يذيرها الهوى قبل الرماتي
زرعت الحب في قلبي وسقته = بقربك ياعمى عين البناتي
عليه بالحرام انك دلعهم = ياجعل فداك كل المترفاتي[/poem]