|
الا يارفيقي قام يحتار ظني فيك
الاخوة في المرقاب الشامخ
السلام عليكم ورحمة الله وبركاته
يسرني ان اقدم لكم هذه البويتات من باب التواصل
وهي تعبر عن نفسها
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الا يارفيقي قام يحتار ظني فيك=تشيل الحمل والا تعذر على الشاشة
رجال المواقف عند وقت اللزوم اتْجيك=ولاكل من يبغى طريق الوفاء ناشه
تفكر بحاضرنا وأنا عارفٍ ماضيك=من أدنى العرب والمال حطّك مع الباشة
بعد ما أقبلت دنياك بالخير لاتطغيك=ترى الحمّرة من قشرة الأرض معتاشة
سفهت الرفيق وبالخطا ساريٍ ساريك=وخوي الطريق يبين لي عقب مطراشه
تغطرس بدون أسباب والحق مايرضيك=وهذا زمانٍ منه الأفكار منداشة
أعاتب طموحي وارفع النفس عن طاريك=ونفسي على شرواك ماهيب شوّاشة
على الهون والمنقود ياشين وش حاديك=تسمّع كلام الناس والناس غشاشة
تواعد وتخلف واحدٍ في الوعد ناصيك=لعله مهف اللي عن الطير منحاشة ![/poem]
خباث الضمائر تشعل النار بالكبريت=ولو رحّبت قدام وجهي ما أجاملها
وأنا ما ألتفت في شجرة الثوم والحلتيت=ولا أهين نفسي لأقشر الناس وأنذلها
وهنا بعض قصائدي >>> ( الديــوان )
|