|
العذر مكتوب ___ سعد الحريّص
[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
العذر مكتوب لاصـار الخطـا مقـري =آسف على ضحكتي آسف على احزاني !
خطـاي معـذور ولا غلطتـي عـذري = ومرارة العذر فـي قلبـي وفـ ( لسانـي ) !
مدري وش اللي ذكرت وضاق به صدري =مـدري وش اللـي نسيـت ولا تناسانـي؟!
لبست انا ثـوب لا طولـي ولا قصـري =ياطيبـة القلـب ويـن القلـب ودانــي ؟!
سنتين من عمرها مـرت ومـن عمـري =سنتيـن احـس الزمـن فيهـا تعـدانـي!
سنتين مرت حياتـي مـن ورا ظهـري =والحب سجنـي ومسجونـي وسجّانـي !
والشعر مطرود من قلبي ومـن فكـري = سنتين ماني بـ ( انـا ) مانـي باحـد ثانـي!!
غنيـت للنـاس والدنيـا علـى خبـري =والشعر في دفتـري مغـرور وانسانـي !
غنيـت للحـب يـوم عيونهـا تـغـري =يوم الوفـا والكـلام الطيـّب الحانـي!
غنيـت للدمـع يوم ان البكـا كـبـري =واليوم انا اكبر من دموعـي وحرمانـي!!
اليوم ماعاد يمـدي اللـي جـرح يبـري =مليـت كثـرت خطاياهـم وغفـرانـي !
مليت انا الشعر مل الشعر مـن شعـري =مليت انا الحـب مـل الحـب وجدانـي !!
و لو هي عليّه عزيز النفس مـن صغـري =ما اشاور القلـب فـي كرهـي لـ ( عدوانـي ) !
ان رحت يا كثرهـم وان جيـت يا كثـري =ضاقت بي عيونهم لـو كنـت وحدانـي!!
تعبت وازريـت ما مليـت مـن صبـري =ليـت الـذي راح منـي كثـر ما جاني!!
احيان ودي اطيـح مـن التعـب وازري =وتشيلنـي عـزتـي وسـلـوم جـدانـي!![/poem]
|