السلام عليكم ،

توفّا هذا اليوم شيخ من شيوخ الكويت يحبه كل الشعب
رحم الله الشيخ / سعد العبدالله السالم الصباح واسكنه فسيح جناته
تعبير متواضع وسريع ..




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
تقوم الليال بدورها والزمان يدور=الأيام منساقه .. والأقدار منقاده

كتبها الحفيظ اللي حفظ بيته المعمور=خلقنا نعبده وأسعد الخلق عبّاده

هو الآمر الناهي وأنا المنهي المأمور=ونفسي تريد ولا لها غير ما راده

وهبني ولا قد جيت للموهبه بقصور=أغني بفضله وأرفع البيت بأوتاده

ولا ينكسر قافي ولو خاطري مكسور=على الهون يا اللي للمجاريح نقـّاده

بدت نشرة الأخبار وأخبارها بالدور=وهذا خبر حالي .. وهذا خبر ساده !

وهذا وراه الشرّ والعلقم الممرور=يفجّ النحور ويسهج الحزن بقياده

توفّا طويل الباع والقايد المخبور=سليل الشيوخ ومعتلي صهوة جواده

حبيب القلوب اللي لشعبه مضا له دور=فنا .. حبّ شعبه ينقله داخل فواده

ولد من رسم نهج السياسه وأبو الدستور=على نهجه اللي راسمه قامت بلاده

كريم السجايا سيرته مثل مبدا النور=على الدرب الأبيض سار من يوم ميلاده

ولي العهد في حقبة ٍ وضعها مخطور=ليا زادت الشدّه ثبت عزمه زياده

سعد والسعد فاله لا قام الزمان يجور=شجيع ٍ على روس العدا يقدح زناده

طواه المرض وأعياه وأستسلم الدكتور=وسلّم تقاريره مع الجرح وضماده

قضى حكم ربي والقضاء ما يرد الشور=يسود ولا تردعه المماليك والساده

أحبـّه وانا مع ما يكنّ الخفا مجبور=عيوني بكت ودموعها ماهي بعاده

رحمك الولي يا ميّت ٍ بالوفاء مذكور=على فقدك قلوب المخاليق حداده

عسى وجهك الأسمر في يوم النشر ماجور=تحت رحمة الله يوم كل ٍ وما فاده

يضفـّك مع أصحاب النبي في جنان الحور=وميرادك اللهم آمين ميراده [/poem]


وسلمتوا ،،