|
قـضى القضا كلٍ بيشرب من الكاس
.
السلام عليكم ورحمة الله وبركاته
إلى أبوماجد , مع التحية.
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
طـهور يـاراع الـمكارم ولابـاس=ماجـور وبن آدم بالاقدار محـفوف
قـضى القضا كلٍ بيشرب من الكاس=إما مـرض أو فقر أو جوع أو خوف
وربـك لـيا من حب عبدٍ من الناس=بـلاه , واجـر الآخـرة خيرمخلوف
والصبر درع الجنب وعصابة الراس=ورضى الـبنادم بالقدر جنـة الجوف
واللي بنى من الـبر والجـود نبراس=وصنايع المعروف صارن له وصوف
يشفع بـجاه الـوجه ويـداوي عماس=ويـواصل الارحـام ويغيث ملهوف
يـجني ثمر فعله بضيقات الانـفاس=ماضاع عـند الله والاجواد معروف
في كل وقت وحين وبصادق احساس=تدعـي له قلـوبٍ وترفع له كفوف
يالله مامـع لـطـفـك ورحـمـتـك يـاس=وانت ارحم من اللي بمولودها تروف
تشفي قدم خال السعد طيب الـساس=ويمشي بها لبيتك على خير ويطوف[/poem]
.
.
يالله اني طالبك عفوك وحسن الختام=سجدةٍ لرضاك مابين زمزم والحطيم
|