[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ماكل من يقرى ويكتب يطلع امام وخطيب=لو كل مسجد بأجتهاد منه يصعد منبره
لوجت على ماقيل كل ٍ صارله فيها نصيب=لكنها وهبة عظيم ٍ كل شي ٍ قدره
ماالله عطاها واصطفى الا كل ذو قلب ٍ لبيب =لو هم بني ادم ومخلوقين من رجل ومره
الله خلق والله فرق والله على خلقه رقيب = سبحان من نذنب ونطلب منه عفو ومغفره
سبحانك اللهم ياغفار عالم كل غيب = انته عليم بما حدث فالكون بره وبحره
يارب انا ارجو رحمتك وارضاك وانته تستجيب = لمن دعاء لك في خضوع وكل عيب ٍ تستره
رحمتك وسعت كل شي وفيك ضني مايخيب = يوم ان عفو الادمي مشروط عند المقدره
كم من فتا ً مفتون فالدنيا وفالوقت الغريب = مايدري ان اخر حياته جثة ٍفالمقبره
من بعدها ماينفعه خلان واصحاب وقريب= طويت جميع الصحف والاقلام تجفا المحبره
كل ٍ يبا يجزى بما يعمل وله رب ٍ حسيب = واللي عمل خير ٍ يره واللي عمل شر ٍ يره
ومن لا اغتنم زهرة شبابه قبل ياتيه المشيب = ضاعت عليه اجمل سنين العمر والوقت اخسره
وانا بشر اذنب ومن كثر الذنوب اخطي واصيب = لكن ما انستني ملذات الحياه الآخره
اترك خطى المخطي واجازي راعي الطيب بطيب= وخطاه لو كبر الجبل عندي يجي وزن اشعره
وانا ماقول ان السنين اتعضني بأنياب ذيب= وايامها واليالها تشبه لبطنه وظهره
ماقول غير ان اعتراف ٍ بالخطا ماهو بعيب= وشعر ٍ مانمدح به هل القرآن مافيه اثمره
ولاقول غير اليا صعد غازي على المنبر خطيب= كني أشاهد شيخنا بن باز يصعد منبره[/poem]