بسم الله الرحمن الرحيم

اخواني مشرفين واعضاء وزوار منتدى الجميع المرقاب

السلام عليكم ورحمة الله وبركاته واسعد الله جميع اوقاتكم بكل خير

لقد عمدني والدي عبدالله بن نايف بن عون اطال الله في عمره بعرض المساجله التي بينه

وبين الشاعر بدر الحويفي على انظاركم الكريمه بعد المكالمه التي تمت بينه وبين اخي الشاعر

حسين بن ضيف الله الدوسري0 وكان الشاعر بدر الحويفي هو البادي بقصيده يعزم فيها الوالد

والشاعر عبدالله بن زويبن الحربي وقد تمت تلبية الدعوه ورد عليه الوالد.

يقول الشاعر بدر الحويفي


[poem=font="Simplified Arabic,5,black,normal,normal" bkcolor="transparent" bkimage="" border="none,4,darkblue" type=0 line=0 align=center use=ex num="0,black"]
انا من العتبان ناديت رجال = وايضاً معه من حرب رجال ثاني
نبي لنا جلسه على كيف بدلال = وسوالفٍ فيها قصيد ومعاني
شعرٍ نقي ماهو تصانيف جهال= تعبير فن معاصرين الزماني
هذا الهدف واللي طرالي على البال= شوف الرجال معربين المجاني
من خيرت الشعار ذربين الأفعال = عندي لهم تقدير سر وبياني
من خيرت العالم عوارف وعقال = وبالمرجله مقدارهم مايهاني
والناس كلٍ له مكانه ومنزال =والأرض كورتها رفاع وطماني
هذا مثل من ضمن الأمثال ينقال =وساس الحجر يرفع حصون المباني
مني لهم تقدير في كل منوال = يشهد على مضمون قلبي لساني
ارسلتها يم النشاما بجوال = اطلب زيارتهم يجون بمكاني
لاسيروا يمي وشاهدت الأبطال = فرصه سعيده مثل عيد رمضاني
وجهت عشر ابيات من هيض الأمثال = وذكرتلي موجز صحيح وكفاني[/poem]

وقد اجابه الوالد بهذه القصيده

[poem=font="Simplified Arabic,5,black,normal,normal" bkcolor="transparent" bkimage="" border="none,4,darkblue" type=0 line=0 align=center use=ex num="0,black"]
يعيش راعي دلةٍ مالها اشكال = من فايدت فنجالها مانساني
من يوم دق بهارها عبر الأرسال = صاكة علي بريحة الزعفراني
لو دونها حالت مسافات الأميال = هب الشمال بريحها لين جاني
ومنها على الهاتف تقهويت فنجال = هيله من الحبشي وبنه يماني
من موردٍ ياليتني منه مكتال = لاشك صعب السلم عنه ايحداني
يكتال منه اللي ليا اختار ماعال = وليا وسم ماياسم إلا السماني
امثال ابو سلمان كساب الأنفال = اللي يحاكينا بسحر البياني
له سمعةٍ تبقى الى تالي التال = ابين من المشعل على ضلع اباني
فرايدٍ غنت بها الناس موال = يلجا لها اللي من همومه يعاني
يابن زويبن جعل تفداك الأنذال = ماعدك إلا واحدٍ من خواني
نبي نزور معرب العم والخال = اللي على الهاتف دعاك ودعاني
ناخذ لنا عند اصبح الوجه مقيال = حنا شفاويه وهو مرحباني[/poem]