منتديات المرقاب الأدبية - عرض مشاركة واحدة

20-05-2008, 11:34 PM

الدار بيت الروح . واشواقنا باب
لاشفتها عفت البطى والقطيعه
ليل ٍ يضويها من البعد جذاب
وأحساسنا يزرع غلااها طبيعه
لها المحبه والولا ماله اسباب
نشري لها وجه الوفا مانبيعه
لا مر طاريها من البعد منساب
ضاقت عليك ايامها والوسيعه
اتحس مالك لا قرايب ولا احباب
والبعد ؟ محدٍ فالرضى يستطيعه
ماطاب منهو مبعد الدار لو طاب
دايم ويشكي للقصيد وصنيعه
الشوق منه ودافع الشوق غلاب
والدرب يصعّب لو يقدي جميعه
يسج لاهب الهوى . والعصر غاب
ويجر صوته والآماني وديعه
ينزل بمرقابٍ ويطلع بمرقاب
الشعر صرح للحزن وسط ريعه
من شرق مد الشوف . هايم ولا تاب
ويقول ياليت الليالي سريعه
العمر عدابه وله خاطر ٍ ذاب
والوقت لو هو مايطيعك ؟ تطيعه
داري ولي في حبها درب واقطاب
والغربه اللي ماخذتني مريعه
شابت اضنوني واخر اللي بقى شاب
لا ياشتى قلبي . ونشوة ربيعه
ماكل حب ٍ له تباريح واسباب ؟
غير الوطن لاصار حبه ؟ طبيعه

الله الله الله يا نايف

والله انك مبدع وجزل

صح لسانك مليار ولا هنت

والله يردك بالسلامه ان شاء الله

متابع لك يالغالي