ويل قلبي من تفاكيـر الفضـاوه
كان كل مفضي تشب النار فيّـه
واتذكر كل وقتـي فـي صفـاوه
والزمان اللي وسم كيه ب كيّـه
من سلبني بالحلا رمز الحـلاوه
الحلي اللي غدى مـا لـه حليّـه
حضريـه فـي تقاليـد البـداوه
وفالحميّا !! بدويـه ... بدويّـه
فالمحبـه ماخـذه منّـي عـلاوه
رتبتٍ غير الرتـب بالعسكريّـة
لقبلت فزت ضلوعـي بالحفـاوه
يسعد الله فالها صبـح وعشيّـه
يومها تمشي تبختر فـي هـداوه
كنها تمشي على سلـكٍ سويّـه
مشقيٍ قلبي ويا حلـو الشقـاوه
كان طبعه لا زعل يعتـب عليّـه
مير روّح والدهر أصبح غشـاوه
بين قلبي وبين قلبـه مهمهيّـه
حيلتي من عقبها درب القسـاوه
سالكه ورجلي بميـراده جريّـه
والله أني من رجال أهل النقـاوه
مجدهم معروف في نجد العذيّـه
من مطير أهل الكرم رمز السماوه
الرجال اللي علـى درب الحميّـه
مير بعض الحب ما له فالرخـاوه
يطرح الرجال ... والطيحه قويّه
انا اشهد
مشاري ابدعت
لله درك
تقبل المرور والاعجاب
اخوك
|