ياعذابي لاقبـل الليـل وانكـف النهـار
وين ابلقالـي نديـم يشاركنـي عنـاي
كل مابانت نجوم السمـا والنـوم طـار
والله انـي داري انـه بياتينـي بـلاي
افهق الغترة من الضيق وافـك الـزرار
مشكله حتى هبوب الهوى تبحث خفـاي
مير لاصكت علي من يمين ومن يسـار
قلت رزاق المخاليـق مايقطـع رجـاي
ماجزعت من الصبر لو يطول الانتظار
انطح صدوف المقادير واحذفهـا وراي
الظروف القاسية والصواديـف الكبـار
تكسر ضلوع الضعيف ولا تكسر عصاي
الردي حيله ردي والكفـو شبـاب نـار
والليالـي بينـت مستـواه ومسـتـواي
ماني بكشـاف غـرة ولا طـلاب ثـار
الله يجنبنـي اللـوم ويكفـر خـطـاي
/
/
الله الله الله الله
ناصر امتعتنا بهذه الجزلة
صح الله لسااااانك ولا فض فاك
ابداع وجزالة
اعجابي ياغالي
|