ياربّة الحسـن معـك الحسـن فضّـاح
في الروح سرّه .. وفي القـدّ اتضاحـه
ان كان للحسـن فيمـا يذكـر وشـاح
اختصّـك الله عـن النـاس بوشاحـه
غمامتـه فـي جبيـنـك برقـهـا لاح
وارواك من عذبـه .. وطالـك قراحـه
ياروحـي اللـي عليهـا خاطـري راح
يمنح لها في الضلوع اغلـى مساحـه
قفلـت قلبـي علـى حبـك بمفـتـاح
واقسمت ما احرّره .. واطلـق سراحـه
الصد لو طال .. عمر العشـق ماطـاح
تغريبـة الصـد .. ماتفـرد جنـاحـه
لو غيبتك موجعه مـا تحسـب سـلاح
لانـي محـارب ..ولاهيـب استراحـه
ومكانتك فـي عيونـي صعـب تنـزاح
ماتقبـل الزعزعـه .. قبـل الازاحـه
واللي ورى البال يقتـل صمـت الارواح
ويـراود الفكـر للـبـوح بفصـاحـه
وانا على مـا بلغنـي منـك واجتـاح
مشاعري .. في مساء البين .. وصباحه
اثلجّت صدر الشعور ..وصوت الالحـاح
من عادتي ما اخذله.. واكبـح جماحـه
دفعنـي الواقـع وحبيّـت الافـصـاح
عـن ماتكـنّ المعاليـق بصراحـه :-
الخوف ما ينخلـق فـي قلـب مرتـاح
والحـب مايستقيـم بغـيـر راحــه
والشوق لو ماتكفّـل بأمـر الاصـلاح
عـرّض نظـام المحبـه للإطـاحـه !
مافيه اجمل من قصيدتك ولافيه ابلغ من ابياتك للرد عليك
لاني بصراحه يخوني التعبير في متصفحك
|