الاهداء لكل من يرى هذا الموضوع
اتمنى أن يستفيد كل من يبحث عن الفايده كما أتمنى أن تنال اعجابكم جميعاً


ا[poem=font="Arial,6,skyblue,bold,normal" bkcolor="transparent" bkimage="backgrounds/37.gif" border="double,6,indigo" type=1 line=1 align=center use=ex num="0,black"]
الله ياكثر مايطري على بالي=من الطواري ولا ادري وش يطريها
تطري عليه ليامن صرت بلحالي=أسباب دنيا العنا واللي حصل فيها
قضيت عشرين عام ايام وليالي=ايامها عذبتني مع لياليها
عانيت فيها وذقت المر والحالي=من مرها عيفتني طعم حاليها
مشيت فيها الدروب قصار وطوالي=في كل الاحوال رجليني معنيها
سيري مسافات لكن مالهاتالي=وارجع ماكملت مهما سرت تاليها
اوجه يمين والا اوجه شمالي=التيه بارضٍ من الضيق متلقيها
اصبحت محتار في حلي وترحالي=مامن فوايد من الاثنين جانيها
ياكثرهمي من الدنيا وغربالي=مالله كتبلي سلامه من بلاويها
أحاول اصبر على ماصار في حالي=لوعلتي مالقيت اللي يداويها
ماني بداله مثل غيري ولاسالي=العالم الدالهه ماني مخاويها
عشقت بنتٍ مهرها طيب الافعالي=ولاكل شخصٍ من العشاق يغريها
عوصاً طلبها يبيد حيل الانذالي=ومن لايلبي طلبها كيف يرضيها
اتعب على شانها واطول حبالي=مايبرد الجاش لين اكسب تحديها
دامي من اللي تروم الشامخ العالي=اللي صعيبه على الداله هقاويها
قومٍ بوقت الشدايد تسعد الفالي=يقر تاريخها بأفعال اياديها
ماهوب انا اللي يعيش وهمه المالي=أملا رصيدي مراجل يامخليها
ماعذربو عمي بفعله ولاخالي=روسٍ عن الطامنه ربي معليها
عن دربهم ليش اجنب عيب ومحالي=أحسلي اموت قبل اني اسويها
والمرجله ماأشغلتني عنها الاشغالي=على المشاغل لزوم اني ابديها
مدهال جدي وابوي يصير مدهالي=اعرف مداهيلهم ماني بغاويها
احيي مواريثهم فيني وتبقالي=مرجع وطرقٍ مشوهالازم امشيها
والله ماارتاح لين آصل لمنزالي=في قمة الطيب وأصير متعليها
لو ماتزين الظروف ولاتهيالي=أعنز على اللي هشيم القشع يحييها
المجتهد له نصيب ولازم ينالي=وأنا بذلت الجهود الله يهيها
لوان عيني تشوف الوان واشكالي=من سودالايام واحداثٍ تخبيها
لابدماتعتدل والدهر ميالي=سبحانه القادر بلحظه يصفيها
مانيب يائس وأجدد دايم آمالي=لو ماتحقق فأنا ماني بناسيها
ومن عقب ماادركت مخراجي ومدخالي=اليوم نفسي عن الميلات حاديها
والك النصيحه هدية غالي لغالي=من تجربة دنيةٍ عايشت ماضيها
صل الفروض وتراها خير الاعمالي=ولاتكاسل ترا لازم تأديها
وترى الرجوله ماهيب شماغ وعقالي=والا جديد الثياب اللي تكويها
مناظر الزيف ماتسوالها ريالي=دعها لمن يشتقي فيها وهاويها
ولاتجلس الا بمجلس ناس عقالي=خل الجهاهيل لاتطربك أغانيها
ولاتستمع في كثير القيل والقالي=واهل النميمه لاتآخذمن دواديها
اللي نقلك حكي لحكاك نقالي=قصده يشب الفتن بعلوم يلويها
واحذرصديقٍ بوقت الضيق محتالي=يوعدك لكن وعوده مايوفيها
لاتقول هذا بطيب وخير يسعالي=حتى يبين نواياً فيك ناويها
ولاتآمن الغدر لومن شخصٍ موالي=بعض الاقارب عقارب لاتواليها
واحذر ترى اللي يعيل يجيه عيالي=الناس توذيك لامن صرت موذيها
تميت قولي واقول لجاهل أقوالي=النار ماتحرق الا رجل واطيها[/poem]