[align=center]السلام عليكم ورحمته وبركاته

عوداً حميداً لي الله يرفع قدري ويبارك في


ابرجع من اليوم ورايح . كل يوم اثنين بمشاعيبي المعهوده الي بيتغير اسمها الى مقانيص مدباس

لاني تفرغت الكم وفصلت من دوامي لعيونكم .... انتهينا من المقدمه الطويله والجميله ونبداء بعرض شريط المقناص



اولاً :

ظاهرة المواضيع الـ... مع احترامي لاصحابها وروادها

مرقابي مزعلني ومرقابي مسلفني ولاسددني ومرقابي .... الخ

يعني بمأ ان المرقاب من اشهر المواقع على الشبكه وهذي مواضيعه وش نقول في الباقي عاد !




ثانياً :
ظاهرة عنوان القصيدة (( العيون الخضر ..... للشاعر مدباس المقانيص ))

طيب ياخي كل الناس لهم عيون ويعرفون يقرون الاسم ولا يعني انت جاي معزوم من موقع مكفوفين ؟!

طيب فرضاً ماعرفوا يقرون اسمك من خانة الاسم خلاص بتضيع القصيده ؟!

او بما انك نجم جماهيري بتجذب الناس بأسمك ياخلف هذال !

او انك بتضمن حقوقك ؟ على شان ماتسرق معلقتك يازهير بن سلمى !


ثالثاً: ظاهرة رد علي وارد عليك الله يرحم والديك !

بما أن قصيدتك ياعزيزي الشاعر تستحق الرد فثق ثقة تامه ان الناس بيردون عليك

يعني مايحتاج انك تستجدي احد اشباهك ليرد عليك !

او انك في موقعك الثاني المفضل لديك مدهر ردود على الصاحي والمجنون والكاسر والمكسور

وهنا داق ثقل بما انك شاعر مرقابي له مأرب اخرى !

ويندرج تحت هذا البند ظاهرة انقل توقيعي وانقل توقيعك !


رابعاً: ظاهرة خمس قصايد لك في الصفحة الاولى ! وكن الادارة معطيتك فسح بسطه تعرض فيها قصايدك ! والعذر كثرة انتاجك يا ( ارامكو) !!

ياخي نصيحه احب لناس ماتحب لنفسك يعني فيه ناس يجلس شهرين مانزل قصيده على انه يكتب كل اسبوع بس يدري ان لقصيده خرمه وان فيه غيره لهم الحق بالعرض !


انتهينا من المواضيع .... على ان باقي كثير بس في الحلقة القادمه


طيب نبداء مع الاعضاء

ونبداء بكبيرهم الذي علمهم ...


الدكتور سداح

يادكتورنا العزيز ماهوب لازم كل ماوصلت مشاركاتك قبل الالف بمشاركه توقف يعني شوفوا مشاركاتي .؟!

ياخي انت احسن واحد يشارك بس مالها داعي التعليقه !

الشاعر مشعان البراق

او نجم القايله كما سمي مؤخراً . ياعزيزي ابو محارب تواجدك غريب يوم احسن عضو ويوم مالك جره ؟! نبي وزنه وحده


الاعضاء الي جو تحت الضوء

ليه التغلي ؟ خلاص مدحوكم اخوانكم ليه الغياب الغريب ؟!

تراهم عرفوكم بتواجدكم ولو انكم كنتوا كذا من قبل ماحد عرفكم !


الشاعر خالد الحصّين

صاير انتقائي في ايامك الاخيره يعني عندنا امل في ناصر تراحيب جديد مبروك للانتقائيين زادو واحد ولاهوب اي واحد ... هذا رمز

الهادئين في الركن الهادي

لوحظ في الاونه الاخيره التبطح في الاركان وطبعاً نجومنا واثقين من قدراتهم وان الناس تجي تدور دسايسهم على العموم ابقوا حفظكم الله واضمن لكم ان ماحد بجايكم

فوج الباحثين عن الاعلام

بعد التطور الاعلامي المرقابي الجديد عادت قوافل الشعراء السابقين بحثاً عن خيرات المرقاب

وقبل كانوا شايلين المرقاب من المفضله والحين صارت الصفحه الرئيسية .. ونداء خاص لحبيب العازمي ... الرياجيل عندك سنعهم لانهم خدموا المرقاب من عام الفين واثنين ... وانقطعوا ورجعوا قبل شهرين....


والى اللقاء مع مقانيص جديده [/align]