|
شعور صادق ..
السلام عليكم ورحمة الله وبركاته
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا اهل الشعر لو كنت مانيب مشهور= إلا إني إن قلته أجيب الجزالي
أحيان اقوله حزن وأحيان مسرور=وأحيان أقول اللي يجني في بالي
وهذي في بالي تحتريني لها شهور=والحين جتكم يوم جاها مجالي
الحين ياشعري ولاني بمعذور=غني فرح واجلي هموم الليالي
سلم على اللي يطفي النور بالنور=الشامخ العالي على كل عالي
أبو اليتامى نصرة مصادف الجور= عبد العزيز اهل السمو والمعالي
ياسيدي فرحت بجيتكم الدور=وارض الوطن وهضابها والجبالي
في غيبتك ياسيدي ضاقت صدور= ولاَ حضورك يجعل المر حالي
حضرت وحضورك ماهو بيت حضور=حضرت غالي يا بعد كل غالي
وقلوبنا من حبها نقطة عبور =لمرور زولك ياعظيم الخصالي
حتى القصيدة كنها سقف معمور =فكرة ورى فكرة وجات ارتجالي
حتى القلم يكتب وهو كله سرور =من فرحته وده يعبر بدالي
حبرة تحول ريح ريحان وزهور=طاريك عطرنا وزاد الجمالي
تدري لو إن الشعر صار بك مقصور= حرام ماجتنا قصايد هزالي
ماقلتها وأنا احتري قول مشكور = هذا شعوري ياحميد السبالي
مواطن وصادق ولايعرف الزور= اسمع جوابي بعد تسمع سؤالي
ليش انت لاجالك من الناس مقهور=ماروّح إلا رايق البال خالي
لنك وريث ملوك ومطبق الدور =ياجعل ابوك ف جنت الخلد سالي
عبرت لك عن فرحتي فيك بسطور= والحين بضربلك عليها مثالي
لو جيتبك الدنيا وانا كنت معسور= اذبح على جيتكم أغلى عيالي
في واجبك ياسيدي ما احتري شور=يامعلم العالم وجوب الرجالي
ياسيدي والشعر يا تيبه قصور = أما المحبه ماعليها جدالي
هذا غلا كم داخل القلب محفور= من أول أيامي معي لا يزالي
ولو هو نصيبك بيننا صار مخشور =اعطيتك الراحة وهمك بقالي[/poem]
نغمة حزن دقت مثل صوت الاجراس = وجاوب لها هاجس حنيني بطاروق
وفكرٍ غدى في زحمة الليل محتاس = وجسمٍ خلا من قلب عايش على عروق
قصيدةٍ ماهيب تكتب على ساس = جتني ومعناها من الحزن مسروق
وكتبتها ودمعي مثل حد الامواس = سوى على وجهي علامات وفروق
سولفت فيها معا هوى ليل الاتعاس = وآخر كلامي كان بحساس محروق
اللي ذبحني صدق دمعات الاحساس = لحظة ذكرت الحب والشوق ياشروق
لو قلت احبك خايف تقول هلاس = كلمة احبك دربها صار مطروق
انا فديتك لنك من اقرب الناس = انا فدى برقا وقلبي فدى روق
sa-1400-ad @hotmail.com
|