عبداللطيف الغامدي

كلن ينـال اللـي لـه الله يقسمـهْ
بس الجهود الطيّبه عكس الخمـال
واللي بدرب الطيب له فعل وسمهْ
بين الرجال يصير له عظم ٍ جلال
والرجل دربه حسبْ عقله يرسمـهْ
دربين والثالث ترى مالـه مجـال
واللي ليا من قام في امر حسمـهْ
عساه يسلم من صواديـف الليـال
الطيب ميدانـه لهايـب وعسمـهْ
حتى ولو ماهوب ميـدان القتـال
إن كان شاب الرجل ما حاز اوسمهْ
ما يفقده وان مات غير ام العيـال
واللي ماغبّر شارب ٍ مـا دسمـهْ
قلته ومن قبلي تـراووه الرجـال

الله الله يا عبدالعزيز

صح لسانك صح لسانك ولاهنت

اقتباس ولا اروع وبناء فاخر لقصيده رائعه

محبتي ومتابعتي واحترامي ياغالي

اخوك