السلام عليكم ورحمة الله وبركاته ..

هذى قصيده في اخوي وابن عمي / فيحان بن عبدالله السلات .. توفي في حادث وهو في مهمه رسميه بـ مطاردة احد المجرمين وهذى عزائي وبإذن الله انه شهيد مع ان وفاته قبل اكثر من شهرين لكن القصيده اتت قبل سابق انذار وهي تعبير لا اكثر والحدث اكبر من الشعر وعذرا" على الإطاله ..

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياربي عليك العفو والصبر والسلوان = رضينا بما تكتب وراضين بالمقسوم
ياربي ـ يقولون العباد ـ :الكريم مّعان=وياربي تعين الضايق الصابر المهموم
انا وسط صدري شعلة" مالها دخان=ليا من وقفت اجلس ولا من جلست اقوم
عسى الموت لا منه خذى يا خذ الرديان=ما ياخذ عيال شيوخ ولاّ عيال قروم
وانا والله انه يوم جا العلم يا فيحان= بكيتك مثل ما يبكي التوم اخوه التوم
لا بالله اخوي .. ودرع جنب .. ووسيع بطان=لكن قدر الله ما يشا والأجل محتوم
اي بالله راح حصان لكنّ جاب حصان=ياربي تبارك فيه ياحي يا قيوم
ليا راح ابو فارس لـفارس نصير ابوان=ما والله يشكي روحة الأبو لو هو يوم
لو ان الأسامي تختلف مير كنا أخوان=على العز يا ربع" على المجد فيهم زوم
وعسى واحدٍ شلناه للقبر فالاكفان= من المن للسلوى ولا يقرب الزقوم
ويا جعل قبره روضةٍ من رياض جنان=رجيناك يا رحمن ياحي يا قيوم[/poem]