السلام عليكم يااهل المرقاب
هذه المشاركه الرابعه بعد طول الغياب وفقدناكم
وعساكم ماتفقدون غالي

الصدق في قلبي مقره من سنين
مايسكنه غل ولايسكنه زور
القلب مرتع للوفا والوفين
ماينكر العشره لو العالم تبور
ويثر على قلبي مع الوقت غالين
وفراق بعض الناس صعب ومخطور
وهذا الشعور اللي نقلته من سنين
عشره طويله في الزمن ماهي شهور
مشيت من دارك وانا خاطري شين
والله ماودي ولكن مجبور
حالت ظروفي وإنقلاب الموازين
وماأقدر أقول الراي والراس مكبور
لكن قدرني وأقدرك بعدين
ولاتعقدها كذا تلف وتدور
خلني مثل دور الهدب يبحفظ العين
وتبقا مكان القلب محصور محصور
مشاهدك مشتاق يسوا الملايين
يبدل الاحزان بفراح وسرور
لبطيت عنك خاطري ماهو بزين
يثر على قلبي ويلحق به قصور
ياااازين لي قلب ولاهوب قلبين
وأيضا شعوري لك ولاغيره شعور



وسلامتكم أخوكم من الاسكندريه
فلاح بن ناصر

إحتما جو المشاكل ولا فيها مجال
ــــــــــــــــ وضاق بالي والصدر ماتحمل ضيقته
راح عمري بين يمكن وجايز وإحتمال
ـــــــــــــــ وحالة المهموم حاله وقلت حــيـلته



فلاح ناصر