أعزائي اعضاء وزوار منتديات المرقاب


أعتذر عن غيابي

هذه قصيدة جديده لها مناسبتها

نشرتها مجلة وضوح في عددها الجديد
26/5/2008م

صفحة 66 ولكن للأسف كانت مليئة بالأخطاء المطبعية الكثيرة التي أفسدتها
وأخلت فيها

[align=center]القصيدة[/align]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

سلام الله على ذيك العيون الناعسات السود=كثر ماتحتوي من حزن يكمن في نواظرها
عيونٍ من قسى هالوقت فيها للعذاب شهود=تحاول تخفي الآلام عني .. بس أنا اظهرها
يطالع كحلها الجاهل .. يحسبه للهوى مقصود=وهي تخفي إنكساراتٍ بتكحيلة محاجرها
سواد الكحل من سود الليال وظلمها المحشود=ليالٍ ماسلم مخلوق من طعنة خناجرها
كفى الله شر ميلات الزمان وغدره المعهود=زمانٍ ماتشيم عن ضعوفٍ بات قاهرها
زمانٍ غيب رجال الشهامة والوفا والجود=ولاباقٍ سوى ناسٍ دراهمها مفاخرها
مثل ماغاب عنا العود الأزرق جا بداله عود=صناعي يحرق صدورٍ إلى احرقته مباخرها
ولكن لايهمك هالزمن مادمت أنا موجود=أبوقف معك والدنيا لأجل عينيك اسخرها
تعزي في وجودي واعتزي بي وارتقي بسنود=ولابه فزعةٍ عن نخوة الغالين أبذخرها
معي تنسين أحزانك تعيشين الحياة سعود=تهني بالحياة وهاتي همومك أساهرها
وأبي ضحكة طفوليه على هذي العيون السود=تكون تميزك دايم وتلمع في نواظرها
ناصر المجماج[/poem]