|
راسك فوق
[align=center]السلام عليكم ورحمة الله وبركاته
متواضعه .. واتمنى لها القبول [/align]
[poem=font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"]
يا مليك المشاعر ليه ما اكتب فيك = دام ماني على قصر الهوى مسبوق
وان تأخرت لا تشره على مغليك = للقصايد حقوق ولك معاي حقوق
منتظر خايف اكتب شي ما يرضيك = وانت حساس . ومدلّع . وذرب . وذوق
كان لي قدر ما يستقبل التشكيك .! = دمعتك . لا ينزلها ولا مخلوق
ولا يغيضك شعر هذا وشاعر ذيك = دامني شاعرك .! غرّد وراسك فوق
الوداعه مع حاضرك من ماضيك = قلب ما يستريح وذكريات وشوق
كمّ ليلٍ سهرته والسبب طاريك = لين زاد الغلا بين السهر والموق
في جبينك صباح الخير لمحاكيك = وفي عيونك عتم ليل . ومطر . وبروق
ليه ما اقطع مسافات التعب واسريك = دام لك صبح من خايل سماه يروق
في لقاك أحسد عيوني على عينيك = سلهمتها عذاب يركّد المطفوق
غير زينك معاك اخلاقٍ تحلّيك = وصدر ما يستضيق وفطنه ومنطوق
وش شعورك معه وكفوفه تحنّيك = يا جديلٍ عن شعاع النحر مفهوق
لا لفحك الهوى قلت الله يحيّيك = وزعتك الهبوب وصرت حوله طوق
يا شعور الوصل والشوق كيف اخفيك ؟ = سارق الشيّ ما يستاذن المسروق
وش بكمّل بعد غير اللّه يخلّيك = لي وقلبٍ وهو عندك عليك يتوق[/poem]
[align=center]وسلمتو[/align]
من عمر الاعوام ما غيّرتك طبوعي .! = قد شفت لك برق ما له فالسما لمعه
سوّيت يوم الضلوع لقلبك ضلوعي = وجمعت لك شيّ ما تقدر على جمعه
من كثر ما اسرفت في وصلك من دموعي = في يوم فرقاك .! ما طاحت ولا دمعه
|