رحيم الغنامي

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا مليك المشاعر ليه ما اكتب فيك = دام ماني على قصر الهوى مسبوق
وان تأخرت لا تشره على مغليك = للقصايد حقوق ولك معاي حقوق
منتظر خايف اكتب شي ما يرضيك = وانت حساس . ومدلّع . وذرب . وذوق
كان لي قدر ما يستقبل التشكيك .! = دمعتك . لا ينزلها ولا مخلوق
ولا يغيضك شعر هذا وشاعر ذيك = دامني شاعرك .! غرّد وراسك فوق
الوداعه مع حاضرك من ماضيك = قلب ما يستريح وذكريات وشوق
كمّ ليلٍ سهرته والسبب طاريك = لين زاد الغلا بين السهر والموق
في جبينك صباح الخير لمحاكيك = وفي عيونك عتم ليل . ومطر . وبروق
ليه ما اقطع مسافات التعب واسريك = دام لك صبح من خايل سماه يروق
في لقاك أحسد عيوني على عينيك = سلهمتها عذاب يركّد المطفوق
غير زينك معاك اخلاقٍ تحلّيك = وصدر ما يستضيق وفطنه ومنطوق
وش شعورك معه وكفوفه تحنّيك = يا جديلٍ عن شعاع النحر مفهوق
لا لفحك الهوى قلت الله يحيّيك = وزعتك الهبوب وصرت حوله طوق
يا شعور الوصل والشوق كيف اخفيك ؟ = سارق الشيّ ما يستاذن المسروق
وش بكمّل بعد غير اللّه يخلّيك = لي وقلبٍ وهو عندك عليك يتوق[/poem]

الله الله الله الله
الله الله الله
الله الله
الله

الله

الله

ناصر مناحي ..

للشعر معك حضور مختلف تماماً ..
احترمته وقابلك بنفس الاحترام و اكثر ..
و حفظته و حفظك في عيون متابعينك ومن يهمهم الشعر / الشعور ..

لله درك يابو مناحي ..
والله اني انتظر حضورك على احر من الجمر ..

قصيده ابداعيه من الدرجه الاولى ..
صح لسانك و سلم احساسك و راسك العالي ..

سجل متابعتي بشوق ..
واعجابي بهذا المنطوق ..

اخوك

..



علـّمني العمر وش يسوى بليــّاك

..................... لا جيـت أدوّر عليـك و ما لقيتـك !