عبدربه

سبحان الله العظيم ،

ابك تسيف يضيع وقتنا تسذا يارياجيل ؟؟
اكل - نوم - عمل - لعب - مشاهدة مدري ويش ؟؟
تسيف نجاوب على سؤال الله لنا بكره ، ( وعن شبابه فيما أبلاه )
والله انه لشئ مخجل ، والموضوع قائم على الصراحه ، لكن الا يحق لنا ان نعود إلى رشدنا ،
ونستغل هذا العمر القصير فيما ينفعنا ؟؟
كما قال تعالى :
( ألم يأنِ للذين آمنوا أن تخشع قلوبهم لذكر الله ومانزل من الحق ولايكونوا كالذين أوتوا الكتاب من قبل
فطال عليهم الأمد فقست قلوبهم وكثيرٌ منهم فاسقون )

انها دعوة لي ولكم اخواني الكرام لتدارك مايمكن تداركه وتصحيح مايمكن تصحيحه ..




هذه اجوبتي والله المستعان

س1/ ماهي أكلتك المضله ؟
كل انعام ربي مفضله عندي ،بس انا بغيت اسوي لي حميه وطحت في خبز البر !


س2/ ماهي هوايتك المفضله غير الشعر ؟
ازريت القا لي هوايه مفضله اقدر اقول انها تستهويني من بين باقي الهوايات ، بس أقرا واحيان على هالمرقاب



س3/ كيف تقضي وقتك ؟
وقت المسلم مقنّن ومرتّب تلقائياً ، فهو مرتبط بواجبات وعبادات ، وهي التي تنظّم وقته كما أراد الله



س4/ شخص تعجبك شخصيته ؟
كثيرون ، منهم انت ياراع الموضوع بلا مجامله ..



س5/ ماهي سيارتك الآن ؟
كراسيده xl


س6/ من الفريق الرياضي الذي تشجعه ؟
منول هلالي ، والحين مااااش


س7/ افضل فريق وافضل لاعب بهذا الموسم برأيك ؟
منول نواف التمياط ،و الحين مااااااش



س8/ بالختام لماذا لانرى لك مشاركات فعاله بالقسم الاسلامي ؟
زين يوم أقدر انقل على استحياء ، ولكن فيه عندي زي ماتقول مقالٍ كتبته دونه فتره وتسني تحاقرته
مدري عاد احطه فيما بعد ، والا اخليه ينقبر متسانه ..


سلام’ عليكم

ياحيف يابعض العرب..ياحيف ./. أخطوا .. وأنا من فعلهم منصاب !
الصيف راح ودار حول الصيف ./. لكـن شـب النـار .. ياشبـّاب
يمكن سناها في الجبل لا شيف ./. يصبح لمن هو ينظره جذاب
من .. مار وألا جار وألا ضيف ./. والا من الأصحاب والأجناب
حتى يجـي نواف عند .. منيف ./. ويعوّد الغائب .. بعد ماغاب
ربعٍ لهم على النوايف .. نيف ./. تنقض حجج من يفتل الأشناب
كرم وعرف .. ولا تبا تعريف ./. والطيب طبعٍ لاهل الأطيـاب
وافين .. مافيهم ردي وضعيف./. تلقى الشباب أطيب من الشيّاب
وأنا أتسآءل .. كيف بالله كيف ./. نزّلهم تويتر من المرقاب ؟!
.....

قصة حياتي :
http://montada.mergab.com/showthread.php?t=28348