تحيه طيبه للجميع

قصيده متواضعه للتواصل

اتمنى ان تنال الرضى

‘‘ ‘‘ ‘‘ ‘‘



[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياليل ضيّعت السؤال اللـي لقينـا لـه جـواب=وأجبرتنـا بالكلمـه اللـي مانبـي نبدابـهـا
وانت الذي لاهب نسناسـك وسرّيـت الركـاب=مارد صوتك في الجبـال اللـي تلـج ذيابهـا
امّا حسبت حساب شي ٍ ماحسبنـا لـه حسـاب=والاّ تبي تعرف بعض الاحداث ويش اسبابهـا
كلش ولا المشروه لايلحق عزيزيـن الجنـاب=وان كبرت الدعوى عسـى الصديـق مايشقابهـا
حقي عليك بنجمة الصبح ان بدت والقاف شاب=وحقك عليّ ان ضاعت الحجـه وأنـا طلاّبهـا
ياليل قل للي يعرفون الخطاء قبـل الصـواب=ليه العرب تطمع بلبـس ثيـاب غيـر ثيابهـا
مدري ذكى والاّ غبـى والاّ حركـات الشبـاب=بس الوكـاد ان اكثـر العـرّاف ماترضابهـا
واللي من هيامه على الامداح يطرق كل بـاب=لـو طـق بـاب ام الكبايـر ماتعـدّى بابهـا
ليته درى ان من طاول أطول منه يبشر بالعذاب=وان سلم من ضرس الليالي ماسلم مـن نابهـا
مأحد ٍ وصل قمّة سنام المجد مع درب العيَـاب=لابد ماتنزل بـه الخطـوه قبـل يرقـى بهـا
والهقوه اللي تروي الضميان من شوف السراب=مثل الخرز في سبحة الشاعر لامنْـه اومابهـا
ياليل دقّق في السوالـف لاتفكـر فـي الثيـاب=الاولـه !! والثانـيـه يالـيـل وشتبغابـهـا
أنا لو أزعل جات في وجه المؤلـف والكتـاب=خل الهروج العمي لابوها لابـو مـن جابهـا
ماني بأبن شفلوت شوق الترف نقّاش الخضـاب=أسم فرق بيـن الاسامـي والرجـال ادرابهـا
ولا ابن من داسوا على الخيل البسيطه بالحراب=ان ماجعلـت مشفّـح العالـم تحـب ترابـهـا
أما غدا وجه الشبـه والاّ بـدا بعـد الغيـاب=والاّ قلعنـا خيمـة الرحـلات هـي وأطنابهـا
ياليل عان الواقع المحسـوس مادونـه حجـاب=لكن عبـاد الله عـن الواقـع تعـوج ارقابهـا
واللي يـدوّر واقعـه لايلتفـت يـم السحـاب=شمس الضحى من ناشت عيونه تحت أهدابهـا
هذا كلام ٍ موجزه يقصر عنـان أبـو الشبـاب=والعلـم كلـه دونـه رجـال ٍ تمـس أشنابهـا
لكن ترى نَص السؤال اللي لقينـا لـه جـواب=ليه العرب تطمع بلبـس ثيـاب غيـر ثيابهـا [/poem]‘‘ ‘‘ ‘‘