اللهم صلي على محمد
أنا وحيد وحالتـي تشكـى علـى رب العبـاد
ويقلّ قدري في عيون أهل المناصـب والريـال
اللي علاقتهم على قـدر المصالـح .. والوكـاد
إن أغلب العالم في واقع عصرنا عبيد مـال !!
يقطعني اللي رفقته يفتـح لهـا بنـد اعتمـاد
ولاّ الصديق اللي حسب لرباح هجره والوصـال
وأنا قليل أطماع في الدنيـا وأحـب الاقتصـاد
لاشك تاجر في دروب العـز وعلـوم الرجـال
أحب وأكره دايـمٍ فـي الله وأسعـى بإجتهـاد
للي يجملني مع أهـل الخيـر وعيـال الحـلال
ماهمني تاجـر ولا مركـز ولا صاحـب مـزاد
لا صار همه في حياتـه كلهـا دنيـا الـزوال
وان كان عذروبي قليل المال .. ياطيب الحيـاد
أنا غنيٍ بالواحـد الفـرد الصمـد رب الجـلال
وانما كسبت المدح والناموس لا مـسّ الشـداد
عقّبني الفنجال في مجلـس كريميـن السبـال
كلّي وفاء لأهل الوفاء والصدق وأعـنّ الجـواد
لمواصل اللي وصلهم لي من وفاهم طيب فـال
وأجنب اللي مالهم في النـاس علـم يستفـاد
أدرا على نفسي ولا أعنّـز علـى جـالٍ هيـال
تاتي على وضح النقاء .. ولاّ عساهـا للجـراد
العافيه والستر وارضـى والدينـي رأس مـال
وان لاح نجم سهيل ولاّ الجدي دوني ويش عاد؟
تبدي النجوم اللأمعـه ويغطهـا نـور الهـلال
والخاتمـه ماهـي تـدوم وكـل حـي للنفـاد
والرابح اللي زهب العـده علـى شـد الرحـال
صح لسانك ياعبدالله
قصيده جزله
ومعاني ذات اهميه
لك مني فائق الاحترام والتقدير
تحياتي
|