محمد مرزوق السميري

تباطيتك وانا ماصار لي عن شوفتـك يوميـن
اجل وشلون لو انّك تغيب ايام عـن عينـي؟
حبيبي لو زعل لاجلك حبايب واصدقا غاليـن
انا ماهمّني كـل الزعـل ورضـاك يكفينـي
احبك كثر ماتمشي على درب السهر لي عيـن
واحبك كثر ماتهوى القصيـد وحبـره يدينـي
ياعمري لو نكر كل الشجر فضل المطر والطين
انا ماانكر غلاك اللـي تربّـع فـي شرايينـي
احبك بالحظور و بالغياب و بالعسـر والليـن
واحبك لو يغيض الناس عشق(ن) بينك وبيني
تمنّيت وتعنّيت ومشت رجلي ولا ادري ويـن
واثر صدق الغلا يمّـك يسيّـر كـل مافينـي
على حسنك ذكرت اللي حباك بروعة التكويـن
وعلى دربك تساهلت الصعيـب ودم رجلينـي
تثنّت لي عناقيد الفرح عقب انتظـار سنيـن
وثنيت برغبتي كل الظروف وقاسـي سنينـي
معك تو ابتسم وجه الزمن تو الحيـاه تزيـن
معك تو الهنا عقـب ابتعـاده جـا ينادينـي
هذا حنا على درب الغـرام وسكّتـه ماشيـن
وانا اللي كنت اقول بخاطريليتك تخاويني)
تباطيتك واثر بعض البطا يومه مثـل يوميـن
اجل وشلون لو انّك تغيب ايام عـن عينـي؟؟



صح لسانك يانادر


لله درك على هذه الوجدانيّه الراائعه


والمعاني ذات طاب خاص


لك مني فائق الاحترام والتقدير




تحياتي

((سبحان الله وبحمده سبحان الله العظيم))