رغم انها ليست اخر ماكتبت الاّ انها اختارت ان تصافحكم


[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
تباطيتك وانا ماصار لي عن شوفتك يومين=اجل وشلون لو انّك تغيب ايام عن عيني؟
حبيبي لو زعل لاجلك حبايب واصدقا غالين=انا ماهمّني كل الزعل ورضاك يكفيني
احبك كثر ماتمشي على درب السهر لي عين=واحبك كثر ماتهوى القصيد وحبره يديني
ياعمري لو نكر كل الشجر فضل المطر والطين=انا ماانكر غلاك اللي تربّع في شراييني
احبك بالحظور و بالغياب و بالعسر واللين=واحبك لو يغيض الناس عشق(ن) بينك وبيني
تمنّيت وتعنّيت ومشت رجلي ولا ادري وين=واثر صدق الغلا يمّك يسيّر كل مافيني
على حسنك ذكرت اللي حباك بروعة التكوين=وعلى دربك تساهلت الصعيب ودم رجليني
تثنّت لي عناقيد الفرح عقب انتظار سنين=وثنيت برغبتي كل الظروف وقاسي سنيني
معك تو ابتسم وجه الزمن تو الحياه تزين=معك تو الهنا عقب ابتعاده جا يناديني
هذا حنا على درب الغرام وسكّته ماشين=وانا اللي كنت اقول بخاطريليتك تخاويني)
تباطيتك واثر بعض البطا يومه مثل يومين=اجل وشلون لو انّك تغيب ايام عن عيني؟؟[/poem]