السلام عليكم


اليكم قصيدة فرغت من كتابتها الان اقدمها املا ان تحوز على رضاكم

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الليلة اللي طعمها نوح واهات=قضيتها مابين سهر وملامة
ليلة ولا كل الليال القديمات=فيها الحزن والهم بنى خيامه
كانت بدايتها حديث وطموحات=وامال بعد الحزن بالابتسامه
دقايق اولها سعيدة وعجلات=وفي وسطها قامت علي القيامة
ومرت دقايقها الاخيرة صعيبات=منها رزين العقل يخلف نظامه
والصدر ضاق وضيقته السؤالات=ياصبح ليه الليل طول ظلامه
غير السهر والنوح مالي خيارات=هي حيلة اللي قاسي الوقت ضامه
اخفي طعون وداخل الصدر عبرات=مثل البحر في هيجته والتطامه
من شاف حالي قال وش بك سلامات=اقول سالم بس وين السلامة
واخفي هموم القلب عن كل شمات=اخاف من شكوى تمس الكرامة[/poem]

alarifid@hotmail.com