منتديات المرقاب الأدبية - عرض مشاركة واحدة

05-06-2008, 12:06 PM

كلٍ على جوّه أعطيه الهـوى لأنّـي
مانيب مكلوف ., يذكرني وينسانـي
مانـي مقمّـن حبـيـبٍ مايقمـنّـي
قدّام ينقـال : ضحّكتـه وبكّانـي .!
فإن كان لي حاجةٍ في خوّتـه فإنّـي
بسوّي إنّي عَشَقت وبركب إحصانـي
بصْـدِق بوجهـه ويعننّـي ويعننّـي
ومافيه صدقٍ من اللّي قالـه إلسانـي
وإليا نشدْني كذبـت وغـنّ يامغنّـي
بأغيّر إسمي وميلادي وعنوانـي .!
لين آخذ الحاجه اللـي معْـه وآكنّـي
وأسحب على مذهبه وأجفاه بالعانـي
ياتي علـى سَنّتـه وأروح مستنّـي
وإن كان دوّر علـيْ معـاد يلقانـي
لاالخاطـر إيكتّـم ولاالدّمعـه إتدنّـي
مرتاح ., وأعطي عليه ْدروس مجّاني

يا سلام يا سلام

أبدعتم لاهنتم

ولكن نصيحه لا تاخذ دروس عند بن عصيدان دروسه توهق أحيانا

احترااااامي

و
ج
د