السلام عليكم ورحمة الله وبركاته



لا أعلم مدى جودتها ولكن طمعي في كرمكم بتمريرها



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وش فيك يامرقبي محجوب=مغلق عن العين من مده
آخذ واحدث وافك دروب=وارجع على المنفذ اسده
حاولت في حظي المنكوب=لكن صبري وصل حده
سلام ياالموقع المحبوب=في عالم الشعرمن قده
ناتيك من كل حدب وصوب=وأخوان كنّا من البده
هذا وانا واحد محسوب=كم واحدٍ باح لي سده
ماانظر لمن يشذب العرقوب=لو يدهن الراس ويكده
لاني بمبدع ولا موهوب=لكن رجّال فالشده
احيان اغني على المسحوب=وانقد على البيت وارده
واحيان هجسي يجي مقلوب=واضحك من البيت واهده
قصّاد وارسم سهم وقلوب=تنزف من الوقت وتضده
والناعم المترف الرعبوب=اروح شامه على خده
اللي ذبحني بدون ذنوب=لا تم وصله ولا لده
يقول عني عديم اسلوب=وانا مكوّك على وده
يابنت قلبي عليك يذوب=والخوف كله من الصده[/poem]

وسلامتكم

.